BLOGGER TEMPLATES AND TWITTER BACKGROUNDS »
Flowers Glitter Graphics
Hello Glitter Graphics

الجمعة، 16 أبريل 2010

رغى وجايز يبقى بوست يعنى


يااااااااااااااااااااااااااااااااااااااااه

هو انا اتاخرت كتير اوى كده

فى كم بوستات مشوفتهاش بتاتاً

يلا ربنا يقوينى واشوفهم ان شاء الله

اولا وحشتونى كتير كتير

ثانيا اسفه على التاخير ده بس كنت فى حاله ملل كالعاده

بس حبيبت افضفض معاكم واتكلم ....هو انا مش عارفه هتكلم فى ايه ولا عن ايه اصلا بس اهو هتكلم واكيد الكلام هيجيب كلام وهيعملو بوست فى النهايه



انهارده وانا فى الكليه لعبنا لعبه الصراحه ولما اتسألت خلونى قولت كلام واعرف كلام مكنتش انا نفسى اعرفه عنى

خلونى استكشفت حاجات كتير اوى منى

قالولى انتى ليه شايفه النص الفاضى من الكوبايه ... ليه مش شايفه النص المليان....؟؟

متوقعتش السؤال بس خلانى وقفت شويه مع نفسى ...هو انا فعلا مش شايفه نص الكوبايه المليان؟؟

للدرجه دى انا كئيبه ؟؟...... بس انا مش كده هو اه انا كئيبه واختى بتقولى انى بدور على النكد فين واروحلو بس مش للدرجه دى يعنى

فى حاجات فعلا تستاهل انى اشوف للنص المليان واحمد ربنا انها حصلتى علشان كان ممكن تحصل عواقب كتير انا مش قدها بسبب الموضوع ده بس لما بشوف نص الكوبايه الفاضى بيبقى النص التانى مليان اه بس مليان هوا سراب يعنى

فى دقيقتين كنت فكرت فى كل ده واستنتجت حاجه انى فعلا كتير مش بشوف غير النص الفاضى وده لانى كئيبه فعلا

وبعدين سالونى سؤال كمان ايه فى حياتك عايزة تغيريه او نفسك تعمليه ومش قادرة.........

قولتلهم عايزة ابعد , عايزة ابقى فى مكان معرفش حد فيه ولا حد يعرفنى فيه..... عايزة ابدأ حياتى من جديد وانا اللى اختار عايزة فيها ايه ومش عايزة فيها ايه .....((هو صحيح اقدر....؟؟؟))


واحنا قاعدين انهارده برضو جت بنتين واتعرفو علينا وفضلو يتكلمو على المسجد الاقصى طبعا انا احترمتهم كتير واهتميت اسمع كلامهم بس ياعينى بقى قبل مايكملو كلامهم واحده صحبتى دخلت فيهم شمال وفضل تزعق وتقولهم انتو جايين تتكلمو عن الاقصى وعيزين تصلحو حال الدنيا طب مش اولى بقى تصلحو حال بلدكم الاول ... استفزنى كلامها والطريقه اللى بتتكلم بيها ولما جيت اوقفها قالت احنا بنتناقش هو انتى علشان تتناقشى يعنى تعلى صوتك وتخوفى البنات منك ... بس المشكله بقى لاقيت نص البنات اللى قاعدين معاها واننا المفروض نشوف حالنا اولى ونفوق لمصلحة بلدنا وان ازاى عايزين ندافع عن الاقصى واحنا مش عارفين ندافع عن حقوق بلدنا .....

هما حافظين مش فاهمين؟؟

ولا انا اللى العروبه وخدانى ؟؟

ولا هما صح وانا غلط؟؟؟

ها؟؟


ياااااااااااااه رغيت كتير اوى ده ايه الرغى الفظيع ده

اه صحيح انا اه النيكنيم بتاعى Sad Angel بس مش كئيبه اوى يعنى ودمى خفيف والله

ده لمعلوماتكم يعنى اصلى مش بحب حد يفتكر انى بت كشرة يعنى

بس هو جت فترة كنت مضايقه علطول فصحبتى اطلقت عليا هذا الاسم ومن هنا اصبحت كذلك

اه كمان يعنى وبما انى رخمة فقررت اعلن عن مدونتى القديمة مدونتى القديمة هى بســـ امل ــمة

واسمى الحقيقى بســمــة انــــور


بس كده خلاص

18 التعليقات:

Jasmine يقول...

السلام عليكم ازيك والله وحشانى من زمان مش دخلت بس ان شاء الله هتابع وانت والله عسل ولا كشرة ولا حاجة بس هما يعرفوكى من قلبك مش شكل وخلاص فى ايام بتكون صعبة على الانسان وبتكون خارج ارادته وربنا بيكون معاه ولازم نصبر وكل حاجة هتتعدل ان شاء الله

مهموهة أحمد يقول...

معقول انتي بسمة انور ؟؟؟؟؟؟؟؟؟؟؟؟؟؟
يا شيخة تعبتيني معاكي
اصلا انتي لما قولتي هتمشي و تسيبي عالم التدوين انا زعلت اوي اوي علشانك لاني كنت بدات اتابعك و احب كلامك
بس يللا ربنا عوضنا اهو و عملتي مدونة تانية
جميلة اوي و بوست جميل انا كنت بردو عايشة الحالة دي و لسة راجعة منها

ربنا يهنيكي و يوفقك و يبعد عنك كل شر و سوء يا رب العالمين

طبعا هضيف المدونة دي عندي بقى

تقبلي مروري الاول و ان شاء الله مش الاخير

خالص حبي و تقديري

ليله شتاء يقول...

السلام عليكم
الله اه الجمال ده المدونه جميييييييييييييله وزوقك راقى جداا ورومانسى جدااا وحسيت والله أن دمك خفيف جداا ومش كشريه خالص يعنى الحياه المفروض يكون فيها شويه ملل وشويه أمل (((هكذا الحياه رسائل بين الغدر والغفران)))



************
وكلامك عن الاقصى أكيد أنتى مش غلط ولا صديقتك غلط فى عندنا مشاكل فى بلادنا عايزين نحلها وبرده فى مشاعر ألم وحزن لناس زينا من حقهم يعيشوا حياه هادئه


********
سعيدهجداا بأضافه مدونتى لمتابعتك أتمنى أن تقبلى مرورى ودوام التواصل

دمتى بخير

أع ـقل مـ ج ـنـونــة يقول...

احم احم

ندخل الاول برجلينا اليمين

ونقول الوووووووو ..

حلو كرسي الاعتراف ولعبة الصراحة اللى بتخلي الانسان يشوف حاجات مش شافها عن نفسه وحاله !!

بالنسبة لنظرتك احيانا لنص الكوب الفاضي

جربي تبصي لكل حاجة نظرة ايجابية .. يعني تبصي لنص الكوبايه المليان

حتي لو كان فى وجهة نظرك سراب !

اعرفي ان اي حاجة بتمري بيها فيها رساله ربنا باعتهالك ..

_____

وبدال اكتر من حد شايف انك كيئبة ونكدية :D

حتي لو انتي مش شايفه

يبقي تحاولي تغيري من نفسك شوية

امشي بمبدأ ان القوي هو اللى بيبتسم في احلك واصعب المواقف :)

مش انتي قوية ولا ايه ؟؟

_________

بالنسبة للنقاش بينك وبين زمايلك

هي المشكلة مش في مين يلحق الاقصي ولا مين يعدل ف البلد

المشكلة احنا .. انفسنا

لا يغير الله ما بقوم حتي يغيروا ما بأنفسهم

يعني لو ابتدينا من نفسنا

هنلاقي البلد اتعدلت .. و فلسطين والعراق وكل شبر محتل هاياخد حريته !!

فـ من وجهة نظري كنتو حولتو النقاش علي بداية تغيير النفس الاول !

وحمدالله ع سلامتك ياقمراية ^_^

سوري طولت عليكي :(

تقبلي مروري

Ms Venus يقول...

الحالة دى كلنا بنمر بيها

وساعات بنشوف النص الفاضى من الكوباية

وساعات العكس


واهى الحياه ماشية


بالنسبة للنقاش مع صحباتك

احنا فعلا حال بلدنا بقى مؤسف
وعلشان نعرف نساعد غيرنا

لازم اولا نساعد نفسنا علشان يبقى عندنا القوة والقدرة على مساعدة غيرنا


تحية ليكى

Sad Angel يقول...

Jasmine
-----

وعليكم السلام
ازيك يا حبيبتى وحشانى انتى كمان والله

ربنا يخليك ياقمر
ان شاء الله خير ياقلبى

نورتى

Sad Angel يقول...

مهموهـــة
------

اه وربنا انا ههههههههههههههههه
انا اقدر على تعبك برضو
بجد انتى مش متخيله انا مبسوطة بتعليقك ده قد ايه ......

ربنا يخليك ليا ياقمرايه

Sad Angel يقول...

ليله شتاء
------

وعليكم السلام ورحمة الله وبركاته
بجد مبسوطة ان المدونة عجبتك

اه وربنا ده انا خفيفه الدم خااااااالث ههههههههههههه

نورتينى يا جميل
ويارب تكررى الزيارة

Sad Angel يقول...

اعقل مجنونة
--------

ياهلا ياهلا

الووووووووو
اهلا بالحلوين دايما

معاك حق اكيـــد


طوبعــــاً قوية
هههههههههههههههههه

والله حاولت افهمهم كده واننا نصلح نفسنا الاول
بس لو مكنتش سكت كنتى هتيجى تطلعينى من بؤهم ههههههههههههه


لالالالا مش طولتى ده انتى نورتى

Sad Angel يقول...

Ms Venus
-----

معاكى حق
الحياه مش بتقف عند حاجه

طبعا لازم نبدأ بنفسنا الاول لو كل حد اهتم يصلح نفسه حياتنا هتتصلح

نورتى يا جميله

♥نبع الغرام♥♪≈ يقول...

وربنا وربنا وكمان وربنا مش لاعبه
وزعلالالالالالالالالالالالالالالالالالالالالالالالانه

♥نبع الغرام♥♪≈ يقول...

مش بقولك المدونه دى جوه دمنا مش نقدر نستغنا عنه نوهائى

حمدالله على السلامه ياقمر وبجد فرحت لما شفت البروفايل بتاعك وعرفت ان صاحبة المدونه بسمه انوار اختى الصغيره اللى بحبها وبموت فيها اوووى
ربنا يخليكى ليا يارب ولا اتحرم منك حبيبتى
وبجد التلاته ثابته بقا
مافيش تغير
كلنا بيمر علينا فى بعض الاوقات اننا مخنوقين وعايزين نبعد بس ده مش معناه اننا نبعد خالص

ربنا يجعلها فتحت خير وقدم السعد
ويارب تحققى كل امنياكى واحلامك حبيبتى

واكتبى وعبرى وفضفضى احنا اخواتك عشان نكون جمبك ومعاكى ياقمر

بلاش غياب بقا وارجعى نورى تانى بوسطنا زى زمااااااااااااااااااان

♥نبع الغرام♥♪≈ يقول...

مش بقولك المدونه دى جوه دمنا مش نقدر نستغنا عنه نوهائى

حمدالله على السلامه ياقمر وبجد فرحت لما شفت البروفايل بتاعك وعرفت ان صاحبة المدونه بسمه انوار اختى الصغيره اللى بحبها وبموت فيها اوووى
ربنا يخليكى ليا يارب ولا اتحرم منك حبيبتى
وبجد التلاته ثابته بقا
مافيش تغير
كلنا بيمر علينا فى بعض الاوقات اننا مخنوقين وعايزين نبعد بس ده مش معناه اننا نبعد خالص

ربنا يجعلها فتحت خير وقدم السعد
ويارب تحققى كل امنياكى واحلامك حبيبتى

واكتبى وعبرى وفضفضى احنا اخواتك عشان نكون جمبك ومعاكى ياقمر

بلاش غياب بقا وارجعى نورى تانى بوسطنا زى زمااااااااااااااااااان

Sad Angel يقول...

انوستى
تزعليش ياقلبى
مقدرش على زعـــــــــــلــــــــك

Sad Angel يقول...

حبيبتى انا مقدرش على بعدكم ابدا

حتى لما بعدت كنت بتابعكم وبشوف كل بوستاتكم

وانا بقى فرحت فرحه مبعدها فرخه لما شوفت كومنت عندى والله مبسوووووووطة

ربنا ميحرمنيش منكم ابدا يااااااااااااااارب

شوكولاتة يقول...

انتي بايخة فعلا وغلسة فعلا
هههههههههههههههه

يابنتي انا بس بغلس عليكي انتي والله زي السكر ومن أجدع الناس اللي عرفتهم في التدوين

بس هقولك على حاجة مايهمكيش الناس بتشوفك ازاي اهم حاجة انك تكوني راضية عن نفسك ولما انتي تبقي راضية عن نفسك الناس هترضى عنك غير كده وكده متفائلة متشائمة المهم انك تبقي عايشة صح

وانا اسفة قوي اني مش بزورك كتير ولا بسأل عليكي

وحشتيني قوي

Lady E يقول...

انا اول واحدة عرفت انك بسبوسة :)

وليا هدية متنسيش :))

نفسي أعرف فين الكوباية أصلا نياهاهاها

new-one يقول...

والله ليكى وحشه يا بسومه
على فكرة انا كمان زيك
بس لسه ماعلنتش انا ابقى مين:))

Angel Glitter Graphics